2 чэрвеня а 19.00 у сацсетках Беларускага ПЭНа і Euroradio вы пабачыце чацвёрты выпуск "Творчай кухні". Герой эфіру – пісьменнік і бард Андрэй Мельнікаў. 📙Андрэй Мельнікаў распавядзе пра гісторыю стварэння першага бардаўскага кліпа, раскажа пра сваю кнігу «Анатоль Сыс — псальмяр дэфармаванай Беларусі», пачытае ўрыўкі з філасофскіх эсэ і праспявае некалькі песень. "Творчая кухня" – сумесны праект "Еўрарадыё" і Беларускага ПЭН-цэнтра. Гэта праграма, дзе сябры ПЭНу будуць дзяліцца сваёй творчасцю анлайн: чытаць вершы, прозу, пераклады, спяваць, расказваць пра сваё жыцця падчас пандэміі і адказваць на пытанні гледачоў.