TL;DR: Brama — гэта каталёг відэа з YouTube, створаных у Беларусі ці беларусамі за мяжой, разьбіты па тэматычных катэгорыях.
Нягледзячы на тое, што YouTube мае моцныя альгарытмы для падбору цікавага для вас кантэнта, знайсьці відэа, створаныя беларусамі ці па-беларуску, можа быць цяжка. YouTube працуе так, каб прасоўваць відэа, якія спадабаюцца максымальна шырокаму колу людзей. У выніку YouTube можа параіць вам ролікі, якія папулярныя ў суседніх краінах ці ў людзей зь іншымі густамі. Нават падпісваючыся на розныя каналы, вы можаце ня ведаць, што існуюць іншыя беларускія каналы, якія вам могуць спадабацца.
Задача Brama — зрабіць вялікі і зручны каталёг, каб дапамагчы знайсьці беларускія відэа на цікавыя вам тэмы. Усе каналы ў каталёгу разьбітыя па катэгорыях. А тыя каналы, якія маюць кантэнт на розную тэматыку, разьбітыя на асобныя праграмы. Дадзеныя абнаўляюцца аўтаматычна ў рэжыме рэальнага часу.
Першая публічная вэрсія Brama запушчана 1 красавіка 2024 года. Праект знаходзіцца ў стадыі бэта-тэставаньня. Шмат які функцыянал яшчэ не рэалізаваны, а некаторыя функцыі могуць працаваць нестабільна. Каб сачыць за развіцьцём праекта, падпішыцеся на Twitter ці Telegram.
Калі вы заўважылі памылку, калі ласка, паведаміце пра гэта. Калі вы ведаеце канал, які адсутнічае ў каталогу, дадайце яго.
Праект створаны з уласнае ініцыятывы і ня мае ніякае падтрымкі ад YouTube ці іншых арганізацый. Калі вам падабаецца ідэя, вы можаце падзяліцца спасылкай зь сябрамі, альбо падтрымаць праект данатамі.