Ежы Гедройць — выбітны дзеяч, чыя спадчына аказала значны ўплыў на думкі палякаў, беларусаў, літоўцаў і ўкраінцаў адносна іх будучыні. Хоць ён не займаў высокіх дзяржаўных пасад, яго жыццё было насычаным і цікавым. У Менску яго імем названа вуліца і галоўная незалежная літаратурная прэмія Беларусі. Гедройць з'яўляецца патронам прэміі за найлепшую празаічную кнігу на беларускай мове. У праграме «Раніца з Белсатам» Крысціна Дробыш падзялілася цікавымі фактамі пра гэтага дзеяча. Сёлетнія пераможцы прэміі будуць абвешчаныя падчас фінальнай цырымоніі 7 лістапада ў Гданьску. Арганізатарамі прэміі з'яўляюцца Беларускі ПЭН і Міжнародны саюз беларускіх пісьменнікаў.