https://uk.belarusabroad.org/en/ 10 снежня 2020 года адбылася цырымонія адкрыцця Народнай амбасады Беларусі ў Ірландыі. Народная амбасада - гэта ініцыятыва беларускай дыяспары па стварэнні альтэрнатыўных прадстаўніцтваў дэмакратычнай Беларусі за мяжой ва ўмовах страты легітымнасці дзейным у краіне рэжымам. Адкрыццё пройдзе ў фармаце анлайн-канферэнцыі для больш як дваццаці краінаў, што падтрымалі ініцыятыву. Ідэя стварэння Народных амбасадаў паўстала пасля таго, як выбары ў Беларусі былі прызнаныя нелегітымнымі як народам краіны, гэтак і міжнароднай супольнасцю, а МЗС і амбасады, што падтрымліваюць незаконную ўладу, страцілі права прадстаўляць інтарэсы беларусаў за мяжой. У гэтых абставінах прадстаўнікі беларускай дыяспары фактычна ўзялі на сябе функцыі амбасадаў: інфармаванне пра сітуацыю ў краіне, дапамога суайчыннікам, адстойванне інтарэсаў Беларусі ў міжнародных арганізацыях і палітычных інстытутах. Для працягу і пашырэння гэтай працы беларусы замежжа здзяйсняюць ініцыятыву «Народныя амбасады». Рашэнне пра стварэнне Народнай амбасады прымаецца беларускай дыяспарай, якая выконвае функцыі афіцыйных амбасадаў з галоўнай мэтай: абарона правоў і інтарэсаў беларусаў за мяжой і адстойванне інтарэсаў дэмакратычнай Беларусі. Стварэнне Народных амбасадаў абмяркоўвалася на Сусветным кангрэсе беларусаў 30 кастрычніка - 1 лістапада і замацаванае ў Рэзалюцыі кангрэса (https://belaruscongress.org/resolution): Мы, беларусы замежжа: не прызнаем выбары прэзідэнта Рэспублікі Беларусь 9 жніўня легітымнымi, а Александра Лукашэнка абраным прэзідэнтам згодна з вынікамі міжнародных экзіт-полаў, незалежнага назірання ў Беларусі, справаздачы АБСЕ аб фальсіфікацыях, афіцыйных заяў ЕС, Вялiкабрытанii, ЗША, Канады і іншых дэмакратычных краін; асуджаем шырокамаштабныя рэпрэсіі супраць мірных грамадзян з мэтай незаконнага ўтрыманьня ўлады і падтрымліваем патрабаванні жыхароў Беларусі: вызваленне ўсіх палітвязняў і незаконна затрыманых, спыненне гвалту і пакаранне адказных, правядзенне новых выбараў; заяўляем, што Кансультацыйная рада беларусаў замежжа, МЗС і пасольствы Рэспублікі Беларусь не валодаюць дэмакратычнай легітымнасцю прадстаўляць інтарэсы Беларусі і беларусаў, якія жывуць за мяжой. Мы абвяшчаем аб стварэнні Народных амбасадаў дзеля абароны правоў беларускіх грамадзян за мяжой, а таксама прадстаўніцтва інтарэсаў дэмакратычнай Беларусі. Рашэнне аб стварэнні Народнай амбасады прымаецца прадстаўнікамі беларускай дыяспары на падставе рэзалюцыі Сусветнага кангрэса беларусаў i падтрымлiваецца Нацыянальным лідэрам Святланай Ціханоўскай і Народным антыкрызісным кіраваннем. Галоўныя функцыi Народных амбасадаў: - Інфармаванне грамадскасці аб сітуацыі ў Беларусі. - Наладжванне і падтрымка кантактаў з дзяржаўнымі органамі, грамадскімі аб'яднаннямі, прафсаюзамі, бізнесовымі, навуковымі і культурнымі коламі за мяжой. - Дапамога грамадзянам Беларусi, якія вымушаны пакінуць сваю краіну. Цырымонія адкрыцця «Народнах амбасадаў» адбылася 10 снежня а 19:00 (GMT+3, Мінск) у рэжыме анлайн-канферэнцыі. На цырымоніі былі прысутныя: ●Святлана Ціханоўская, нацыянальная лідэрка дэмакратычнай Беларусі ●Нікала Бір, віцэ-прэзыдэнтка Еўрапарламенту ●Павел Латушка, кіраўнік НАК і прадстаўнік Сяргей Лагодзінскі, дэпутат Еўрапарламенту ●Прывітальны зварот ад Рады БНР. Падчас цырымоніі таксама будуць былі прадстаўленыя ўсе Народныя амбасады, якія адкрыліся ў больш як дваццаці краінах. Мы абвяшчаем аб стварэнні Народных амбасадаў дзеля абароны правоў беларускіх грамадзян за мяжой, а таксама прадстаўніцтва інтарэсаў дэмакратычнай Беларусі. Рашэнне аб стварэнні Народнай амбасады прымаецца прадстаўнікамі беларускай дыяспары на падставе рэзалюцыі Сусветнага кангрэса беларусаў i падтрымлiваецца Нацыянальным лідэрам Святланай Ціханоўскай і Народным антыкрызісным кіраваннем. Iнiцыятыва па стварэнню Народных амбасадаў было часткай павесткі Сусветнага кангрэсу беларусаў 31 кастрычніка — 1 лістапада 2020 года і замацавана ў яго рэзалюцыі: https://belaruscongress.org/resolution The full ceremony in the original language and guest speakers you can see here: https://www.youtube.com/watch?v=DwXNhHBXluk Useful contacts https://supolka.net/uk/ http://www.skaryna.org.uk/en/ http://belaruschurch.org.uk/