Sign up to BelDiasporaTV #народное_посольство Беларуская дыяспара ў Каталоніі пачала фарміравацца толькі з чэрвеня 2020 пасля першай акцыі супраць існуючага рэжыму Лукашэнкі і пагрозы новай фальсіфікацыі выбараў. На тэрыторыі Каталоніі, як аказалася, пражывае больш за ўсё беларусаў: каля тысячы чалавек з пяці тысяч зарэгістраваных у Іспаніі. На акцыю 25 чэрвеня сабраліся больш за 100 чалавек, незнаёмых адзін аднаму, якія і да цяперашняга часу працягваюць прымаць актыўны ўдзел у кансалідацыі дыяспары. 9 жніўня была арганізавана паездка з Барселоны ў Мадрыд для ўдзелу у галасаванні. За час сумесных перажыванняў аб ходзе выбараў і наступных рэпрэсій мірных маніфестантаў, у Каталоніі сфармавалася каманда хуткага рэагавання арганізатараў мерапрыемстваў якія і сталі заснавальнікамі Асацыяцыі РАЗАМ. Асацыяцыя РАЗАМ - гэта некамерцыйная арганізацыя культурнага напрамку, перш за ўсё, заснаваная на імкненні да дэмакратычных прынцыпаў і каштоўнасцей: свабодзе думкі, выбару і права на справядлівы суд і закон. Галоўным прыярытэтам дзейнасці Асацыяцыі на шляху да дасягнення дэмакратычных мэтаў з’яўляецца інфармаванне. За пяць месяцаў у Барселоне было праведзена дзевяць маштабных акцый і мноства пікетаў у Ганаровага консульства Беларусі ў Каталоніі. Гэтыя мерапрыемствы сталі прыцягваць увагу каталонскай прэсы (апублікавана больш за 20 адрасных артыкулаў) і ў цэлым выклікаць рэзананс у грамадстве. Пра Беларусь сталі пісаць і казаць! У апошні час падтрымку і гатоўнасць дапамагчы беларусам выказалі некалькі партый Каталоніі (ERC, ANC), а таксама прадстаўнікі Еўрапарламента з офіса ў Барселоне. Мэрыя горада таксама прапанавала сваю дапамогу па любых арганізацыйных пытаннях, звязаных з дзейнасцю беларускіх актывістаў. Асацыяцыя РАЗАМ таксама ўдзельнічае ў праектах па ўзмацненні эканамічнага ціску на рэжым Лукашэнкі. У прыватнасці, была праведзена работа па скасаванні ўсялякіх партнёрскіх адносін каталонскіх эмпрэзаў з МТЗ. У сувязі з гэтым было праведзена шэраг інфарматыўных пікетаў і накіравана мноства зваротаў да магчымых партнёраў МТЗ у Іспаніі як на дзяржаўным, так і на прыватным узроўнях. Аб заплямленай рэпутацыі кіраўніцтва МТЗ быў апублікаваны артыкул у выданні El Periódico, а Ўрад Каталоніі ў пісьмовым выглядзе выказаў сваю падтрымку беларускаму народу ў барацьбе за пабудову новага дэмакратычнага грамадства. Члены асацыяцыі РАЗАМ - гэта каманда крэатыўшчыкаў з вялікім жаданнем працаваць на карысць Беларусі. У дадзены момант, асноўны акцэнт дзейнасці Асацыяцыі РАЗАМ, якая прадстаўляе арганізаваную дыяспару, накіраваны на: • Інфармаванне пра сітуацыю ў Беларусі • Умацаванне ўзаемадзеяння ўнутры дыяспары • Каардынацыю па аказанні дапамогі саайчыннікам на тэрыторыі Каталоніі (інтэграванне ў каталонскі соцыум) • Аказанне псіхалагічнай падтрымкі ўнутры дыяспары • Арганізацыю выстаў пратэстнага мастацтва https://spain.belarusabroad.org/be/