Ля плошчы Бангалор 8 кастрычніка сабралася блізу тысячы чалавек. Удзельнікі мерапрыемства ласкава адмовіліся заходзіць на тэрыторыю плошчы, агароджаную турнікетамі і абсталяваную перасоўнымі пастамі міліцыі, каб не абцяжарваць праваахоўнікаў дадатковай працай, а сябе — пазбавіць паслугі асабістага дагляда. Супрацоўнікі сілавых структураў не дазволілі падключыць гукаўзмацняльную апаратуру. Выступоўцы прамаўлялі праз партатыўны мегафон з імправізаванай трыбуны, асновай якой стала скульптура з буслом. Перад прысунымі выступілі арганізатары і некаторыя ўдзельнікі схода. Люді казалі пра абвастрэнне сацыяльна-эканамічных праблем у грамадстве і масавае збядненне насельніцтва. Была прынятая рэзалюцыя схода, за якую галасавалі па пунктах. У гэты час група анархістаў прыцягнула ўвагу журналістаў гуканнем сваіх лозунгаў. Напрыканцы мерапрыемства адзін з арганізатараў сзода Віктар Івашкевіч заклікаў усіх сабрацца на тым жа месцы 12 лістапада. Людзі на развітанне скандзіравалі «Жыве Беларусь!» і «Свабоду!».