Сёння мы прыгатуем страву, якая ў даўнія часы была даспадобы і бедным сялянам, і заможнай шляхце. А галоўнае тое, што рэцэпт вельмі просты і з танных інгрэдыентаў. Праўда, з маленькімі кулінарнымі хітрыкамі. Гатуем разам ЗАЦІРКУ. Зацірку нашы продкі пачалі гатаваць яшчэ на пачатку XV стагоддзя. І гэта быў суп з гародніны, у які дадавалі муку, каб той быў больш сытным. Назва супу паходзіць ад дзеясловаў «заціраць», «церці» — менавіта такім спосабам гатаваўся ва ўсе часы мучны дадатак. Страву елі альбо самыя бедныя, альбо ў вельмі галодныя часы. Недарэмна, разважаючы пра голад, раней людзі казалі, што будуць есці пустую зацірку. Такі суп называлі яшчэ «баўтуха» або «калатуха». Яшчэ казалі: «Лахман не адзежа, зацірка не ежа». Але ж не заўжды зацірка асацыявалася з галечай і нястачай. З цягам часу мучныя камячкі прыйшліся даспадобы і шляхце. Падавалі да стала, праўда, па-багатаму: не з малаком, а са засмажаным салам альбо вэнджанай грудзінкай. Глядзіце відэа, каб даведацца рэцэпт цалкам! Смачна есці! А вось іншыя рэцэпты беларускай кухні ад Таццяны Бародкінай: https://youtu.be/EivWUgsdWNE?si=8W-kCO5QAgnkcRGx https://youtu.be/IAyz7l8ak9M?si=UI67JsZG3lR1QIcU https://youtu.be/pv06c1Ml1TI?si=m9xVWMa9WjGVVCkp #кулинария #рецепты