Марафон салідарнасці з палітзняволенымі працягваецца. 12 верасня ў сядзібе БНФ гурт «Крамбамбуля» даў акустычны канцэрт. Прагучалі песні з рэпертуару самой «Крамбамбулі», «N.R.M.» ды іншых праектаў, у якіх прымаў удзел Лявон Вольскі. Пасля канцэрту працягнуўся збор сродкаў для палітвязняў і іх сем'яў, а кожны жадаючы мог атрымаць невялікі буклет з біяграфіямі палітзняволеных і іх адрасамі для лістоў.