Удзельнікі міжнароднай канферэнцыі "Праграма пераўтварэнняў для Беларусі: рэгіянальны вопыт і выклікі", якую арганізаваў у Мінску Рух "За Свабоду" 17 красавіка, не абмінулі ўвагай падзеі ва Украіне. Замежныя госці падзяліліся думкамі наконт таго, як паўплывае канфлікт Расіі і Украіны на эканамічную сітуацыю і перспектывы рэфармавання ў Беларусі. Эксперты адзначалі, што, па-першае, еўрапейскія санкцыі супраць Расіі негатыўна адаб'юцца на эканамічным стане Беларусі, па другое, рэзка зменшыцца таваразварот Беларусі з Украінай, які да эскалацыі расійска-украінскага канфлікту дасягаў 7 мільярдаў даляраў за год.