Бестэрміновая талака ва ўрочышчы Курапаты праходзіць кожны аўторак увечары. Неабыякавыя людзі прыязджаюць да месца масавых пахаванняў ахвяраў сталінскіх рэпрэсій, што на поўначы ад Мінска каля МКАД, каб прыбіраць смецце, вырубіць хмызнякі і кустоўі. Натхняльніца талакі Ганна Шапуцька кажа, што нагодай для бестэрміновай акцыі па расчыстцы Курапатаў грамадскімі сіламі стала заява забудоўшчыкаў “Бульбашхола” пра тое, што гэтае месца занядбанае і нікому не патрэбнае. Інвестары базы адпачынку, маўляў, не толькі займуць кавалак ахоўнай зоны Курапатаў пад свае патрэбы, але і добраўпарадкуюць урочышча, якое з’яўляецца мемарыялам першай катэгорыі. За час правядзення талакі ў 2013 і 2014 гадах актывісты расчысцілі блізу гектара лесу. Але яны будуць вельмі рады папаўненню сваіх шэрагаў аднадумцамі, бо працы хопіць для ўсіх. Відэаздымкі праводзіліся 22 ліпеня 2014 года.