Сёлета адзначэнне галоўнага свята незалежнасці праходзіла ва ўмовах так званай палітычнай лібералізацыі. Удзельнікам шэсця праваахоўнікі не перашкаджалі, нягледзячы на тое, што многія людзі рушылі па праспекце з разгорнутымі сцягамі яшчэ да афіцыйнага месца збору. Самі удзельнікі шэсця таксама паводзілі сябе законапаслухмяна, традыцыйна спыняючыся на чырвонае святло. Калона стартавала ад кіно “Кастрычнік” колькасцю каля двух тысяч чалавек. Падчас шэсця па вуліцы Сурганава, колькасць удзельнікаў прыкметна павялічылася. У выніку шэсце расцягнулася ад вуліцы Якуба Коласа да універсама “Рыга”. Было шмат моладзі. Паўсюль луналі бел-чырвона-белыя сцягі. Панаваў прыўзняты настрой. Удзельнікі скандавалі “Жыве Беларусь!”, “Верым! Можам! Пераможам!”. Многія кіроўцы віталі акцыю клаксонамі сваіх аўто. Арганізатары вырашылі прынцыпова не ісці на дазволены ўладамі Бангалор і на падыходзе да дарожнага кола спынілі шэсце і паведамілі пра заканчэнне акцыі.