31 жніўня 1996 года ў апошні раз у эфіры прагучалі пазыўныя "Радыё 101.2 FM". Напярэдадні рэдакцыя атрымала факс з паведамленнем, што з прычыны перашкодаў, якія нібыта ладзіць перадатчык на частаце 101,2 мегагерц для канала ўрадавай сувязі «Алтай», эксплуатацыя гэтага перадатчыка спыняецца з 1 верасня 1996 года. Гісторыя захавала апошнія хвіліны эфіру "Радыё 101.2". Фрагмент запісаны на побытавы прымальнік невядомай асобай. У фрагменце гучыць песня гурта “Крама” “Будзь разам з намі”, і апошнія словы развітання вядоўцаў эфіру — Вольгi Бабак і Ірыны Курапаткінай. --- Публікуецца паводле Беларускага Аўдыёвізуальнага Архіву (http://baavi.net/audios/11?locale=by&type=Audio) (c) 1996, Рэдакцыя "Радыё 101'2 FM" Заключная песня The Beatles "I'll be back" не ўключана ў версію для youtube праз магчымыя праблемы з аўтарскімі правамі.