На сённяшні дзень Форум вызнае палітзняволенымі 11 чалавек. Гэта Міхаіл Жамчужны, Аляксей Мілюкоў, Алесь Юркойць, Зміцер Паліенка, Тарас Аватараў, Ірына Моцная, Іллля Валавік, Вадзім Бойка, Зміцер Цехановіч, Філіп Іваноў, Ігар Комлік. Узгадвалі таксама Міколу Статкевіча, якога сёння затрымалі пасля паседжання Беларускага нацыянальнага кангрэсу, а таксама ўшанавалі памяць Алеся Чаркашына, які загінуў ва Украіне. Перад прысутнымі прамаўлялі Ганна Шапуцька, Павал Севярынец, Андрэй Бандарэнка, Вольга Мікалайчык, Кацярына Садоўская ды іншыя. Паміж выступамі барды Андрэй Мельнікаў і Юлія Фралова на знак салідарнасці з рэпрэсаванымі выконвалі пранікнёныя песні. Удзельнікі імпрэзы таксама падпісалі зварот да кіраўніцтва пенітэнцыярнай сістэмы краіны з патрабаваннем спыніць практыку ціску на зняволеных праз інструменты і паняцці крымінальнага свету.