У Курапатах 29 кастрычніка 2018 года ў другі раз прайшла Ноч расстраляных паэтаў. "81 год таму ў ноч з 29 на 30 кастрычніка 1937 года ва ўнутранай турме НКУС у Мінску былі расстраляныя больш за 130 беларускіх паэтаў, пісьменнікаў, навукоўцаў, грамадскіх дзеячаў. Сярод іх — такія выбітныя творцы, як Міхась Чарот, Алесь Дудар, Міхась Зарэцкі, Платон Галавач, Юлі Таўбін, Анатоль Вольны, Тодар Кляшторны, Юрка Лявонны, Валер Маракоў і многія іншыя. Такога злачынства не ведае гісторыя ніводнай еўрапейскай дзяржавы", - заклікаў да ўдзелу ў мерапрыемстве палітык Зміцер Дашкевіч. Аўтар Аляксандр Лібертад.