Калдуны́ — нацыянальная беларуская страва. Начынкі на калдуны былі вельмі разнастайнымі, бо калдуны маглі быць як асноўнай стравай, так і дэсэртам. Цеста для нашых калдуноў замешана на цыбульным соку. ІНГРЭДЫЕНТЫ ДЛЯ ЦЕСТА: пшанічная мука 400 г; адно яйка; вада 100 мл; алей 30 г; дзве рэпчатыя цыбуліны; крыху солі. ІНГРЭДЫЕНТЫ ДЛЯ НАЧЫНКІ: грачаныя крупы 50 г; тлусты тварог 100 г; вэнджаная грудзінка 200 г; адна рэпчатая цыбуліна. ГАТАВАННЕ ЦЕСТА: Цыбулю здрабніць і выціснуць з яе сок. Муку прасеяць, пасаліць. Убіць у муку яйка, уліць ваду, алей і цыбульны сок. Замясіць цеста. Скруціць цеста ў шар, прыкрыць абрусам і пакінуць на 10 хвілін пры пакаёвай тэмпературы. НАЧЫНКА: Грудзінку і цыбулю дробна пакрышыць. На разагрэтую патэльню пакласці грудзінку і, як толькі яна выпусціць тлушч, дадаць да яе цыбулю і смажыць да гатоўнасці цыбулі. Грэчку адварыць да паўгатоўнасці. Замясіць фарш: грэчку, тварог, абсмажаную грудзінку і цыбулю добра замяшаць у аднародную масу. Цеста тонка раскатаць, выразаць кружкі дыяметрам 5-7 см. У сярэдзіну пакласці начынку і зашчапіць краі. Варыць калдуны ў падсоленым кіпені 5 хвілін пасля таго, як яны ўсплывуць. Падаваць выключна гарачымі са смятанай. #беларускаякухня #беларусь #кулінарыя #калдуны #смачна #смак #рэцэпт #ежа #belarus #грэчка #тварог #цеста беларускаястрава #cooking #готовимдома