Прывітанне! Сёння будзе не проста смачны, але і карысны выпуск. Разам з вамі я паспрабую адрадзіць культуру СЕ-ЛЯД-ЦА. Прыгатуем па старажытнаму рэцэпту закуску з селядца, якая будзе вартая як да паўсядзённага стала, так і да святочнага. І адначасова разбярэмся як, калі, чаму гэтая рыба прыйшлася даспадобы менавіта беларусам. А напрыканцы падзялюся з вамі маім улюблёным рэцэптам засолкі сялядца. Рэцэпт, дарэчы, вельмі просты, а смак у рыбы атрымоўваецца такі вытанчаны, што больш ніколі не захочацца набываць салёны селядзец з крамы. Таму глядзіце выпуск да самага канца. Не пашкадуеце. Гэта я вам гарантую. 00:00 Гатуем па старажытнаму рэцэпту закуску з селядца 01:15 Як селядзец з'явіўся на стале беларусаў 03:19 Селядзец -- традыцыйная беларуская закуска да піва і гарэлкі 04:32 Колькі каштаваў селядзец раней 06:04 Наша закуска амаль гатовая! Засталося абсмажыць хлеб 06:30 Як самастойна засаліць селядзец дома ІНГРЭДЫЕНТЫ: Філе селядца 500 г. Яйка курынае 1шт. Рэпчатая цыбуля 1 шт. Яблык зялёны 1 шт. Воцат 9% 1 ст.л. Цукар 1 ч.л. Чорны молаты перац 1/4 ч.л. Алей сланечнікавы 2 ст.л. Сметанковае масла 50 г. ДЛЯ ПАДАЧЫ: Абсмажаныя на патэльні кавалачкі хлеба і зеляніна ГАТАВАННЕ: Філе селядца трэба дробна пакрышыць. Усе астатнія інгрэдыенты далучаюцца да здрабнёнага селядца. Спачатку дробна пакрышанае яйка. Затым здрабнёную на тарцы цыбулю і кіслы зялёны яблык. Дадаём воцат, цукар, чорны молаты перац, сланечнікавы алей і мяккае сметанковае масла. Добра перамешваем. Закуску падаём на абсмажаных кавалках чорнага хлеба. Упрыгожваем зелянінай. Смачна есці! Іншыя рэцэпты ад "Смачна" з Таццянай Бародкінай: ▶ https://youtu.be/pv06c1Ml1TI ▶ https://youtu.be/IAyz7l8ak9M ▶ https://youtu.be/bX8XaoBto54