Зварот Віктара Бабарыкі 11 чэрвеня пасля пачатку вобшукаў ў кампаніях, дзе ён раней працаваў, і дзе працуюць сябры яго ініцыятыўнай групы: Сёння адбыліся дзеянні, якія паказваюць, што прадстаўнікі ўлады рэальна гатовы выкарыстоўваць любыя сродкі для недапушчэння ў нашай краіне сумленных выбараў. Увесь цынізм такіх дзеянняў, што яны накіраваныя не на мяне, а на маіх сяброў і людзей, з якімі я працаваў. Чаму гэта зроблена? Таму што прамога кампрамата на мяне няма і ў іх ёсць вялікая надзея, што людзей запалохаюць, прымусяць казаць няпраўду і агаворваць другіх людзей. Я магу з дакладнасцю заявіць, што адзінымі правільнымі паводзінамі і адказам у гэтай сітуацыі, адказам на гэтае бязмежжа з'яўляецца працяг нашай барацьбы. Я хачу звярнуцца да ўсіх тых, хто ўжо падвергся допытам, пераследам і выклікам у упаўнаважаныя органы. Не бойцеся казаць праўду. Не кажыце хлусню, не агаворвайце сябе і іншых людзей. Калі трэба, я веру, што сумленныя людзі заўсёды акажуць вам дапамогу — як юрыдычную, так і матэрыяльную. Самая вялікая памылка ў гэтых дзеяннях улады ў тым, што той Беларусі, якая была раней мі якой яны памыкалі як сваім статкам, больш не існуе. І новая Беларусь змяце рэшткі гэтага старога рэжыму. Мы моцная і свабодная краіна. Мы — народ-пераможца. Чакаем вас у нашай краме ў Мінску на пр-це Машэрава, 18: https://symbal.by/. Нашы сацыяльныя сеткі: https://instagram.com/symbalby/ https://facebook.com/symbalby/ https://t.me/symbalby https://twitter.com/symbalby https://vk.com/symbal_by https://ok.ru/symbalby https://youtube.com/symbalbybelarus