У Парку Дружбы народаў 6 жніўня вайскоўцы з тэхнікай і Саладухай святкавалі Дзень чыгуначных войскаў, таму Святлана Ціханоўская, Вераніка Цапкала і Марыя Калеснікава прапанавалі побач наведаць Кіеўскі сквер, дзе праходзіла сямейнае свята «Калейдаскоп творчасці». Кіеўскі сквер — гэта адна з шасці пляцовак, дзе ў Мінску было дазволена правядзенне мітынгаў кандыдатаў у прэзідэнты, але ў апошні тыдзень выбарчай кампаніі, яны ўсе нечакана сталі занятыя пад гарадскія мерапрыемствы. Уладзіслаў Сакалоўскі і Кірыл Галанаў, якія былі гукачамі на афіцыйным мерапрыемстве ў Кіеўскім скверы ў Мінску, спынілі выступ Віталя Варанко, выканаўца песні «Бацька», і ўключылі «Перамен» гурта «Кіно». Яны патлумачылі, што на мерапрыемстве апынуліся прымусова, з'яўляюцца супрацоўнікамі Палаца дзяцей і моладзі, але пасля свайго ўчынку хутчэй за ўсё іх звольняць. Тэлеграм-канал «Беларусь головного мозга» (https://t.me/belamova/7846) прапануе ўсім, хто будзе прыходзіць на мерапрыемствы ў Мінску і абласных гарадах, арганізаваныя дзяржавай 8 жніўня, апрануць белыя майкі і ў 19.00 усім разам падняць і памахаць рукамі з белымі бранзалетамі — перадаць прывітанне ЦВК. Просім падпісацца на нашыя сацсеткі, дзе мы шчыра расказваем праўду: https://instagram.com/symbalby/ https://facebook.com/symbalby/ https://t.me/symbalby https://twitter.com/symbalby https://vk.com/symbal_by https://ok.ru/symbalby https://youtube.com/symbalbybelarus https://tiktok.com/@symbalby