На мінулым тыдні ў цэнтры ўвагі ізноў апынуліся беларускія студэнты. Спачатку, акурат пасля словаў Лукашэнкі пра тое, што гвалтам нікога на парад цягнуць не будуць, іх пачалі настойліва ўгаворваць "пастаяць са сцягам", "пасядзець побач з рэктарам" і г.д. Адміністрацыі ўніверсітэтаў, натуральна, усё адмаўляюць, але скрыншоты кажуць самі за сябе. А на выходных адбыліся затрыманні актывістаў "Моладзевага блока". Яны зладзілі два крутыя перфомансы, прысвечаныя параду: сфатаграфаваліся на фоне надпісу "Подзвіг народа бессмяротны" з плакатамі "А мы не" і пранеслі па праспекце Незалежнасці ў Мінску труну ў стылі "танцуючых трунароў" з Ганы. Пасля другой акцыі некалькіх сябраў блоку затрымалі, а дваіх — Лізавету Пракопчык і Данііла Лаўрэцкага — 11 траўня судзяць. У сённяшняй "Культурнай сядзібе" абмяркоўваем гэта ўсё з Валерам Таміліным з "Моладзевага блока". Стрым а 12-й!