Госць сённяшняй "Культурнай сядзібы" — драматург і сцэнарыст з паліталагічнай адукацыяй Андрэй Курэйчык. Тэмаў для размовы, адпаведна, дзве. Першая — беларускае кіно і каранавірус. Як усё ва ўсіх пераносіцца, што чуваць пра ўласны праект Курэйчыка "Liberté", ці будзе ўвосень кожны тыдзень прэм'ера беларускага фільма ў кінатэатрах? Другая — гарачае выбарчае лета. Днямі Андрэй запісаў зварот да Віктара Бабарыкі з просьбай стварыць арганізацыю (партыю, рух — не важна), якая б аб'яднала яго прыхільнікаў. Чаму без партыі ніяк нельга і што ўвогуле адбываецца? Вось пра гэта сёння і паразмаўляюць Андрэй Курэйчык, Павел Свярдлоў і акцёр "Свабоднага тэатра" Аляксей Сапрыкін.