ПРЭМ'ЕРА на канале! 22 снежня а 21:00 па Мінску. “Сфагнум” – гэта сума назіранняў за тым, як дзіўна ўсё ўладкавана ў сучаснай Беларусі, сфармуляваная ў не зусім цэнзурнай форме. Гэта не спектакль пра вёску. Гэта не спектакль пра балота. Гэта спектакль пра абсурд, у які пагрузілася Беларусь. Што значыць сфагнум? Сфагнум – гэта балотная расліна, тарфяны мох. Як кажа адзін з герояў п’есы: “Тут з яго ўсё, паглядзіце пад ногі: купіны – жывы сфагнум, торф – перагнілы сфагнум. Партызаны сухі сфагнум бралі замест бінтоў і ваты. А людзі мясцовыя, калі хаты будуюць, сфагнум між бярвення кладуць, каб цёпла было. А яшчэ ён гарыць добра. Сфагнум – лекі, сфагнум – паветра, сфагнум – агонь, сфагнум – вада, сфагнум – зямля пад нагамі. Уся краіна – сфагнум”. А што адбываецца на гэтым балоце? Трое маладых людзей, можна сказаць, “злачынцаў-пачаткоўцаў”, правальваюць першую сур’ёзную справу, даручаную ім бандай. Яны губляюць грошы і вырашаюць схавацца ў аддаленай беларускай вёсачцы. Аднак вёска не такая простая, і тут жывуць зусім не такія простыя людзі... Рэжысёр, аўтар інсцэніроўкі – Аляксандр Гарцуеў Сцэнаграфія, касцюмы – Аляксандра Канарска Мастачка па святле – Моніка Сідар Памочнік рэжысёра – Пётр Непагода Ролі выконваюць: Сяргей Чуб, Мікалай Стонька, Аляксандр Зелянко, Аляксандр Казела, Алег Гарбуз, Міхась Зуй, Зоя Белахвосцік, Аляксандр Гарцуеў, Валянціна Гарцуева, Кацярына Яворская, Ігар Сігоў. У спектаклі выкарыстана музыка Міхала Клеафаса Агінскага, Антоніа Вівальдзі, Жана-Марка Біркгольца, Aляксандра Зелянко, Дзмітрыя Фрыгі. Спецыяльныя падзякі: Іnstytut Teatralny im. Zbigniewa Raszewskiego Fundacja Tutaka Teatr Dramatyczny m. st. Warszawy Free Belarus Museum Funded by the Stabilisation Fund – An initiative to support cultural and educational organisations in Ukraine, Eastern and South-Eastern Europe and Central Asia affected by the impact of the Ukraine war. Пры фінансавай падтрымцы Стабілізацыйнага фонда – ініцыятывы па падтрымцы культурніцкіх і адукацыйных арганізацый ва Украіне, Усходняй і Паўднёва-Усходняй Еўропе і Цэнтральнай Азіі, якія пацярпелі ад наступстваў вайны ва Украіне. Przy wsparciu finansowym Funduszu Stabilizacyjnego – inicjatywy wspierającej organizacje kulturalne i edukacyjne w Ukrainie, Europie Wschodniej i Południowo-Wschodniej oraz w Azji Środkowej, dotknięte skutkami wojny w Ukrainie. Сачыце за навінамі ў нашых сацсетках: https://www.facebook.com/kupalaucy/ https://instagram.com/kupalaucy?igshid=1i9na8q92scka І, вядома, нас заўсёды можна падтрымаць тут: https://destream.net/live/Kupalaucy/donate Або стаць непасрэдна спонсарам канала: https://youtube.com/channel/UCoS4_e9Re3RGf1obN_6Wepw