http://belsat.eu/in-focus/ideya-zmeny-belaruskae-simvoliki-nalezhala-maskve/ Гэта своеасаблівая плата за танную расейскую нафту ды газ, узгадваюць тыя, хто стаяў ля вытокаў беларускае незалежнасці. Але тое, што бел-чырвона-белы сцяг і герб Пагоня раздражнялі Лукашэнку, – таксама не сакрэт: у час сваёй выбарчай кампаніі ў 94-ым годзе Лукашэнка насіў дэпутацкі чырвона-зялёны значак і ў сваёй праграме дэклараваў наданне расейскай мове статусу дзяржаўнае. Таму ня дзіўна, што адным з першых крокаў Лукашэнкі на пасадзе прэзідэнта было знішчэнне нацыянальнае сімволікі і мовы.