Сёння ўвечары пачынаюцца выбары ў Каардынацыйную раду, якая лічыцца альтэрнатыўным парламентам Беларусі. Галасаванне будзе праходзіць онлайн, але ўжо да яго старту выбары выклікалі спрэчкі з-за пытанняў бяспекі і даверу да сістэмы верыфікацыі. Удзельнікі дыскусіі разважаюць, ці патрэбна Каардынацыйная рада беларусам у 2026 годзе, і ці застаецца яна сапраўдным прадстаўніцтвам беларусаў, або ж ператвараецца ў структуру, якая служыць толькі палітыкам. У праграме «ПіК Свабоды» ўдзельнічаюць былы член КР Аляксандар Кныровіч і кіраўніца выбарчай камісіі Алена Прыходзька.