«Мы звяртаемся сёння да Захаду, да МВФ з заклікам ні ў якім разе не даваць ніякіх крэдытаў рэжыму Лукашэнкі. Таму што ўчора дыктатар прадэманстраваў, на што ідуць заходнія грошы», – заявіла ў эфіры «Белсату» рэдактарка «Хартыі-97» Наталля Радзіна. На ейную думку, грошы з заходніх крэдытаў афіцыйны Менск выкарыстоўвае на фінансаванне спецслужбаў і міліцыі, якія дэ-факта ажыццяўляюць палітычныя рэпрэсіі.