http://svyata.hutka.help/ #Падзялісясвятам з беларускімі сем’ямі і дапамажы стварыць навагодні настрой Праект "Хуткая ўзаемадапамога" запусціў святочную акцыю. Вазьмі ўдзел і дапамажы стварыць добры настрой перад Раством і Новым годам. Бо для свята людзям патрэбныя іншыя людзі. Яны скажуць цёплыя словы, падораць падарункі, упрыгожаць дамы і вуліцы і, галоўнае, здзейсняць цуды. Што гэта за свята без цудаў? На сайце http://svyata.hutka.help/ ты можаш абраць, для каго стаць асабістым Дзедам Марозам і стварыць навагодняе чараўніцтва. Пачытаць гісторыі беларусаў і беларусак, якім зараз гэтак не хапае святочнага настрою і цудаў. А самы просты і шчыры спосаб зрабіць свята - зрабіць яго ўласнымі рукамі. І абавязкова падзяліцца з тымі, каму не выстачае настрою перад святамі. Сутнасць акцыі - аб’яднацца са сваімі блізкімі, каб зрабіць навагоднія цацкі разам. Для гэтага не шмат чаго патрэбна, а ў выніку ёсць добры настрой, прыгожыя рэчы і дапамога дарослым і дзецям. Што трэба рабіць? - Глядзець ролікі, у якіх распавядаюць, як можна зрабіць упрыгожванні для ёлкі ці кватэры. Ёсць тры відэа з інструкцыямі: Дзед Мароз, ялінка і анёлак. Менавіта гэтыя тры рэчы і з’яўляюцца сімваламі акцыі ад Хуткай узаемадапамогі. - Рабіць арыгамі паводле інструкцыяў. Лічым, што гэта проста і весела дапаможа бавіць час с блізкімі і сябрамі. - Выкладваць фотаздымкі папяровых герояў у сацыяльных сетках з хэштэгам #Падзялісясвятам. Каб больш людзей даведаліся пра навагоднюю акцыю. - Данаціць сем’ям, якія сталі ахвярамі беларускага рэжыму ці былі вымушаныя бегчы адразу з Беларусі, а потым і з Украіны. Падчас акцыі ў сацыяльных сетках можна будзе знайсці больш парадаў ад каманды Хуткай Узаемадапамогі, як стварыць святочны настрой перед Раством і Новым годам. Памятай: невялічкія дзеянні могуць ажыццявіць нечыя жаданні. Інстаграм: https://www.instagram.com/hutka.help/ Тэлеграм: https://t.me/hutka_help Сайт: http://svyata.hutka.help/ #Беларусь #СкораяВзаимопомощь #Рождество #НовыйГод #падзялісясвятам #хуткаяўзаемадапамога