Праект Хуткай узаемадапамогі https://hutka.help/ запусціў навагоднюю акцыю #Падзялісясвятам У неабыякавых людзей ёсць магчымасць стварыць дома святочны настрой і дапамагчы другім сем’ям. Вы глядзіце ролікі, у якіх дзеці і дарослыя паказваюць, як хутка і проста можна зрабіць фігуркі з паперы. Робіце ўласныя цацкі. Посціце сваіх герояў у сацсетках. Абіраеце, каму заданаціць на падарункі пад ялінку на сайце https://svyata.hutka.help/ Пяшчотныя анёлкі з паперы за некалькі хвілін Патрэбныя: - 1 аркуш паперы, - клей, - лінейка, - аловак. 1. Намалюйце на паперы два квадраты 10х 10см і дзве лініі па 0,5 см. 2. Нажніцамі выражце квадраты ды палоскі. 3. Сагніце квадраты на маленечкія палосачкі па 0,5 см у розныя бакі. У выніку атрымаецца гармонік. 4. Складзіце два гармонікі разам. Адступіце на траціну ад краю паперы і сагніце, каб намеціць. Затым сагніце мацней у розныя бакі і прыцісніце. 5. Прыляпіце прыціснуты бок да асновы з дапамогаю клею. Добра націсніце на абедзвюх палосачках. 6. З двух тонкіх палосачак трэба зрабіць галаву для анёлка. Звычайна скруціце палоску да канца. Каб лепей трымалася, можна прамазваць клеем. Калі першая палоска скончыцца, трэба прамазаць клеем. Дадаць другую палосачку і круціць далей. 7. Калі ад другой палоскі застанецца прыблізна 10 см, робім соступ і прыклейваем да асновы, каб атрымаўся німб. 8. Палосачку, што засталася, трэба прыклеіць паміж гармонікамі. 9. Зараз распраўце крылы і спадніцу анёлка. У вас атрымалася! Такого анёлка можна выкарыстоўваць, каб упрыгожыць кватэру, дадаць на святочную паштоўку ці павесіць на ялінку. #Беларусь #СкораяВзаимопомощь #Рождество #НовыйГод #падзялісясвятам #хуткаяўзаемадапамога