Праект "Хуткая узаемадапамога" https://hutka.help/ запусціў навагоднюю акцыю #Падзялісясвятам. У неабыякавых людзей ёсць магчымасць стварыць дома святочны настрой і дапамагчы другім сем’ям. Вы глядзіце ролікі, у якіх дзеці і дарослыя паказваюць, як хутка і проста можна зрабіць фігуркі з паперы. Робіце ўласныя цацкі. Посціце сваіх герояў у сацсетках. Абіраеце, каму заданаціць на падарункі пад ялінку, на сайце https://svyata.hutka.help/ Красуня Ялінка з паперы Патрэбныя: - зялёная папера, - бліскучая папера, - ручка, - скотч трох дыяметраў, - нажніцы, - кіёк ад марозіва. 1. Паперу складзіце напалову. 2. Намалюйце тры колы розных дыяметраў: 9 см, 8 см, 7 см. 3. Выражце гэтыя колы. У выніку атрымаецца 6 штук. І кожнае кола трэба сагнуць напалову. 4. Склейце па два колы паміж сабою, каб атрымалася 3 пары. 5. Кожную пару колаў склейце паміж сабой, каб атрымаўся каркас ялінкі. 6. Намалюйце на бліскучай паперы зорачку і выражце яе. 7. Прыклейце зорачку на верхавіну. 8. Упрыгожце ялінку налепкамі. 9. Прыклейце на кіёк ад марозіва аснову ялінкі. У вас атрымалася прыгожая ялінка! #Беларусь #СкораяВзаимопомощь #Рождество #НовыйГод #Падзялісясвятам #хуткаяўзаемадапамога