Беларускі інстытут стратэгічных даследаванняў (BISS) правёў маштабнае даследаванне, якое дазваляе даведацца пра каштоўнасныя трэнды ў беларускім грамадстве на працягу 30 гадоў. Даследаванне базуецца на выніках апытанняў Сусветнага агляду каштоўнасцяў (WVS) па Беларусі за 1990 – 2020 гады, а дадзеныя апошняй хвалі апытанняў па Беларусі (2018 год) прааналізаваны з разбіўкай на 10 дэмаграфічных груп. У даследаванні выкарыстана канцэпцыя human empowerment нямецкага палітолага, дырэктара WVS Крыстыяна Вельцэля, і праведзена параўнанне па многіх параметрах з трыма геакультурнымі абшарамі: заходнім, еўразійскім і цэнтральнаўсходнееўрапейскім. Са сціслым пераказам і асноўнымі тэзісамі можна азнаёміцца на сайце BISS. У прэзентацыі возьмуць удзел: Пётр Рудкоўскі – акадэмічны дырэктар BISS, каардынатар даследавання; Таццяна Урублеўская-Токер – кандыдат філасофскіх навук; Віталь Цыганкоў – палітычны аглядальнік Радыё Свабода, вядучы праграмы «Размова» на Белсаце. Дыскутанты: Сяргей Нікалюк – сацыёлаг; Юрый Дракахруст – палітычны аглядальнік Радыё Свабода. Мадэратары: Вадзім Мажэйка – кандыдат культуралогіі, аналітык Беларускага інстытута стратэгічных даследаванняў (BISS); Антон Рулёў – Belarus in Focus.