У беларускай ідэнтычнасці апошнім часам адбываюцца імклівыя і глыбокія змены. Часткова яны звязаныя з актуальнымі грамадска-палітычнымі працэсамі, а часткова – з доўгатэрміновымі тэндэнцыямі, якія грунтуюцца на дзеяннях грамадскіх ініцыятыў, дзяржавы і бізнесу апошнія некалькі год. Як перыядычны аналітычны прадукт, «Індэкс ідэнтычнасці» забяспечваецца сістэматычны аналіз, які дазволіць адсочваць змены ў беларускай ідэнтычнасці і пазіцыях розных актораў. «Індэкс ідэнтычнасці» накіраваны на тое, каб аналізаваць ключавыя падзеі і заявы стэйкхолдэраў, выяўляць тэндэнцыі ў дынаміцы і фармаваць прагнозы іх далейшага развіцця. Тэмы прэзентацыі: 1. Па якой метадалогіі складаецца «Індэкс ідэнтычнасці»? 2. Чым адрозніваюцца падыходы да беларускай ідэнтычнасці ў дзяржавы, грамадства і бізнэсу? 3. Хто робіць больш для ўмацавання беларускай ідэнтычнасці? У прэзентацыі удзельнічалі: Вадзім Мажэйка – кандыдат культуралогіі, аналітык BISS; Пётр Рудкоўскі – кандыдат гуманітарных навук, дырэктар BISS; Андрэй Расінскі – культуролаг, запрошаны эксперт BISS.