Другая лекцыя па гісторыі Падароску і ваколіцаў ад кандыдата гістарычных навук Генадзя Мікалаевіча Семенчука. Гэтым разам - гісторыя "свайго"/"чужога" XVIIІ стагоддзя ў Падароску і ваколіцах. Эпоха Грабоўскіх - унікальнага пратэстанцкага роду, які адзначыўся ў мінулым Беларусі, Польшчы, Украіны, Францыі, Вялікабрытаніі, ЗША ды нават Гаіці! Час няспынных грамадзянскіх войнаў, канфедэрацыяў, інтрыгаў. Час будаўніцтва і дабрачыннасці. Лёсавызначальны час, дзе браты ці пляменнікі маглі апынуцца па розныя бакі барыкадаў... Праз лакальную гісторыю спрабуем убачыць знутры тэндэнцыі, якія мелі месца ў ВКЛ. Не праз летапісы і хронікі, не праз "брэндавых" Радзівілаў ды Сапегаў, не праз Нясвіж і Ружаны, але праз дакументы, сведчанні, невялічкія маёнткі ды лёсы іх гаспадароў. Наш фармат - эксперыментальны. Калі маеце заўвагі, пажаданні або пытанні - пішыце ў каментарах. Дзякуем!