Другая лекцыя па гісторыі Падароску і ваколіцаў ад кандыдата гістарычных навук Генадзя Мікалаевіча Семенчука. Гэтым разам - гісторыя "доўгага XVII стагоддзя" у Падароску і ваколіцах. Эпоха ўладарання князёў Дольскіх, якія змянілі сваіх папярэднікаў - Клочкаў. Праз вельмі лакальную гісторыю спрабуем убачыць знутры тэндэнцыі, якія мелі месца ў ВКЛ. Не праз летапісы і хронікі, не праз "брэндавых" Радзівілаў ды Сапегаў, не праз Нясвіж і Ружаны, але праз дакументы, сведчанні, невялічкія маёнткі ды лёсы іх гаспадароў. Наш фармат - эксперыментальны. Калі маеце заўвагі, пажаданні або пытанні - пішыце ў каментарах. Дзякуем!