Чацвёртая лекцыя па гісторыі Падароску і ваколіцаў ад кандыдата гістарычных навук Генадзя Мікалаевіча Семенчука. Перыяд ад Напалеёнаўскіх войнаў да Верасня 1939 года. Часы Расейскай імперыі, Першай Сусветнай Вайны, Другой Рэчы Паспалітай. Час Пухальскіх, Чачотаў, Бохвіцаў. Вакол Падароску будуецца інфраструктура: цагельны завод, вінакурні, аўчарні, кузні і багата ўсяго іншага. Час паўстанняў, адмены прыгоннага права ды - эканамічнага росту. Праз лакальную гісторыю спрабуем убачыць знутры тэндэнцыі, якія мелі месца ў ВКЛ. Не праз летапісы і хронікі, не праз "брэндавых" Радзівілаў ды Сапегаў, не праз Нясвіж і Ружаны, але праз дакументы, сведчанні, невялічкія маёнткі ды лёсы іх гаспадароў. Наш фармат - эксперыментальны. Калі маеце заўвагі, пажаданні або пытанні - пішыце ў каментарах. Дзякуем!