Трошкі адхіліўся ад прыбудовы кавалка сваёй хаты, і зрабіў яшчэ адзін домік - маленькі, для дачкі. Хаця гэты домім, у прынцыпе, не такі і маленькі - 1,5 на 3 метры. Адна частка - закрытая, другая - ціпа тэрасы з пясочніцай. Вялікае вакно можа быць задейнічанае ў дзіцячых гульнях як барная стойка кавярні ці вітрына крамы. Да вакна збоку зроблены прыступкі з выхадам на горку. Абвязка і лагі зроблены з дошак 150х50, каркас - з бруса 50х50 і 100х50. Домік абшыты 8-міліметровымі цэментна-стружачнымі плітамі - каб не баяўся вады. Зверху - дах з металапрофілю, падганяў памеры роўна пад тры стандартныя лісты. Металапрофіль куплены некандыцыйны - з вялікай зніжкай. Некандыцыя заключаецца ў тым, што трохі пагнутыя края, адзін ліст няроўна парэзаны і ёсць пару драпін. Але для дзіцячага доміка - самае то! Некандыцыя ёсць на вытворчасці "Скайпрофіля" ў Мачулішчах - можна пад'ехаць і павыбіраць сабе добрыя кавалкі. Пясочніцу знутры таксама зашыў ЦСП - каб абараніць дошкі абвязкі ад вільгаці пяску. Спадзяюся, так будуць гніць не так хутка. Увесь бюджэт праекту не перавысіў 300 беларускіх рублёў (але я не лічу кошт самой горкі - яна была куплена даўно і стаяла ў нас у другім месцы): - Дошкі за 120 рублёў узяў на мясцовай пілараме - 17 лістоў ЦСП памерамі 1200х600 абыйшліся ў 87,55 рублёў - Метал на дах (6,9 кв.м.) каштаваў 49,51 рублёў - Фарба - каля 30 рублёў. Савецкія тратуарныя пліткі, шрубы, стары сайдынг на цокаль і маленькія ліхтарыкі валяліся ў гаспадарцы, іх купляць не пыйшлося. ___ https://facebook.com/groups/chatazkraju/ - у Фэйсбуку суполка для абмену вопытам і абмеркавання праблемных будаўнічых пытанняў https://www.instagram.com/chatazkraju/ - у Інстаграме падрабязнасці, якія не ўваходзяць у відэа