Для многіх людзей, якія набылі ўчасткі на аўкцыёнах, стала нечаканасцю, што ёсць такая пастанова Саўміна №298 ад 01.04.2014 «Аб парадку вяртання выдаткаў на будаўніцтва, у тым ліку праектаванне, аб'ектаў размеркавальнай інжынернай і транспартнай інфраструктуры да зямельнага ўчастку". Нечакана ў 2018 годзе чыноўнікі сталі не прымаць пабудаваныя дамы ў эксплуатацыю, пакуль іх гаспадары не скінуцца на падведзеныя да хаты камунікацыі. І сумы там атрымліваліся ого-го якія - па некалькі тысяч долараў! Сяргей Альшэўскі пабудаваў хатку пад Стоўбцамі, а калі прыйшоў час здаваць яе ў эксплуатацыю, то атрымаў рахунак ад райвыканкама ажно на 15 тысяч беларускіх рублёў - за тое, што па вуліцы ідзе электрычная лінія. Але ён не разгубіўся і звярнуўся ў суд, які пастанавіў: плаціць нічога не трэба! У гэтым відэа Сяргей расказвае, што рабіць, каб не плаціць грошы за інфраструктуру і здаць дом у эксплуатацыю. А таксама дае парады, на якія моманты звярнуць увагу, калі вы купляеце дзялку з аўкцыёна. __ https://www.instagram.com/chatazkraju/ - у Інстаграме падрабязнасці, якія не ўваходзяць у відэа https://facebook.com/groups/chatazkraju/ - у Фэйсбуку суполка для абмену досведам і абмеркавання праблемных будаўнічых пытаннняў