Адкрываю на канале новы плэйліст - гэтым разам не пра будаўніцтва, а пра падарожжы! У час пандэміі і зачыненых межаў асабліва нікуды не з'ездзіш, а сядзець у сваёй вёсцы сумна. Таму мы з сям'ёю вырашылі, што гэта класны шанец пакатацца па розных кутках Беларусі і на ўласныя вочы пабачыць, якая ж у нас неварогодная краіна з такімі ж неверагоднымі людзьмі. У відосах з плэй-ліста "Селі-паехалі!" не будзе нейкіх уставак з гістарычнымі даведкамі - гэта вы і без нас у Вікіпедыі пачытаеце. Мы проста будзем садзіцца ў машыну і... ехаць! А там ужо глядзець, куды нас завядзе дарога. Спадзяюся, такія відосы і вас натхняць на падарожжы. Першы трып - у Крэва і Гальшаны. Я там быў вельмі даўно - ад Крэўскага замка хоць і мала чаго засталося, але памятаю, што выглядаў ён фантастычна. Ну а Гальшаны я запомніў сумнымі руінамі. Зараз экскурсію па Крэве нам правёў фатограф Сяргей Гапон - сам ён мясцовы, і нядаўна вярнуўся з Менска ў Крэва на ПМЖ. І ўжо столькі цікавага са сваімі сябрамі там панарабіў – можаце глянуць на сайце http://kreva.travel ! А па родным мястэчку Сяргей экскурсію можа вадзіць гадзінамі. Карацей, глядзіце відос. І дайце зваротную сувязь: гэта пілотны выпуск, таму моцна не крытыкуйце, але напішыце, што можна палепшыць. А можа вы гатовы паказаць і расказаць пра свой родны край? :) #ПадарожнічайГодна Падрабязней пра кампанію «Годна»: https://hodna.by