Актывісты з Бярозаўкі, Ліды і Мінска рушылі на двух самаробных плытах у шматдзённы водны паход па Нёмане. Над ракой увесь час ганарліва луналі нацыянальныя сцягі, сцяг Руху “За Свабоду” і сцяг з гербам горада Бярозаўкі. Арганізатары ўрачыстага воднага паходу кажуць, што ён прымеркаваны да 100-годзя БНР, а плыты атрымалі назвы “Ліпень” і “Сакавік” у гонар лёсавызначальных датаў беларускай гісторыі.