У Варшаве 7 сакавіка беларускія анархісты правялі акцыю салідарнасці са сваімі таварышамі, затрыманымі на радзіме. На семярых удзельнікаў «Рэвалюцыйнага дзеяння», як паведамляе  ГУБАЗіК МУС, узбуджаны крымінальныя справы па факце стварэння злачыннай арганізацыі і ўдзелу ў ёй. Маладыя людзі знаходзяцца ў ІЧУ. Усе затрыманыя — жыхары Брэстчыны ва ўзросце ад 16 да 35 гадоў, якія не працуюць. Як паведамляе прэс-служба МУС, пачынаючы з 2016 года, у розныя перыяды часу яны рыхтаваліся і ўдзельнічалі ў акцыях правакацыйнага і дэструктыўнага толку, уключаючы масавыя беспарадкі мінулага года ў Мінску і Брэсцкай вобласці. Сёння ў Варшаве, на адной з акцый беларускай дыяспары, беларускія анархісты распавялі пра затрыманых людзей у Брэсце і вобласці. Па іх меркаванню, дзяржава спрабуе сфабрыкаваць  справу супраць беларускіх анархістаў па тым жа сцэнарыі, што і “Справа сеткі” ў Расіі, а пазней пашырыць такую практыку і “прыцягнуць да адказнасці” іншыя аб’яднанні і людзей якія вядуць барацьбу з дыктатурай у Беларусі Аўтар Аляксандр Лібертад