"Як прыемна чуць, калі хтосьці размаўляе на беларускай мове!" – так часта адказваюць пасажыры электрычак Ганне Дудзіч, кантралёру-рэвізору Мінскага аддзялення Беларускай Чыгункі. Ганна працуе кантралёрам з 2011 года, сама яна з дынастыі чыгуначнікаў, таму роздумаў, якую абраць прафесію, ніколі не ўзнікала. А яшчэ жыццё Ганны непарыўна звязана з беларушчынай: з роднай мовай, культурай, гісторыяй. Яна ўжо паспела скончыць гістарычны факультэт БДУ і марыць некалі аб’яднасць сваю працу і захапленне гісторыяй: пачаць працаваць у Музеі гісторыі Беларускай чыгункі. Глядзіце відэа, каб больш даведацца пра такую незвычайную і таленавітую жанчыну!