Першы заступнік Старшыні Рады БНР Сяргей Навумчык выступіў з прывітальным словам ад імя Рады БНР на анлайнавай Канфэрэнцыі салідарнасьці з народам Беларусі: „Шаноўныя ўдзельнікі, дарагія госьці, па даручэньню Рады БНР і яе старшыні Івонкі Сурвіллы дазвольце прывітаць вас усіх. Мы цяпер бачым новы, якасна іншы этап пратэстаў, калі ўзьняцьцем нацыянальнага бел-чырвона-белага сьцяга пратэст абазначыў трансфармацыю ў нацыянальна-вызволны рух. А змаганьнем з нацыянальнымі сымбалямі, якое набыло характар абсурду, Лукашэнка залез у самыя патаемныя, самыя сакральныя глыбіні душы народа. І з гэтага моманту ягоная параза зрабілася непазьбежнай. Па той простай прычыне, што можна раздавіць эканамічны, сацыяльны, электаральны пратэст. Але гісторыя ня ведлае прыкладаў, калі б удалося зьнішчць нацыянальна-вызвольны рух. Калі б студэнт гістфаку Магілёўскага пэдінстытута уважліва слухаў лекцыі, дзе казалі пра "національно-освободітельное двіженіе", ён бы ведаў, што ніколі гэты рух ня ведаў паразаў. Вось зараз пратэст набыў характар нацыянальна-вызвольнай барацьбы, і таму ён можа быць доўгім, але ён абавязкова будзе пераможным. Змаганьнем зь бел-чырвона-белым сьцягам і з Пагоняй у 1995 годзе Лукашэнка пачаў сваю прэзыдэнцкую кар’еру. Паразай ад Сьцяга і ад Пагоні, якая "б’е ў сэрца мячом", ён яе і закончыць.“