Яшчэ адзін прыгожы фармат флэшмобаў з'явіўся ў Беларусі: у гандлёвых цэнтрах, на рынках, у метро, на вакзалах людзі выбіраюць час і месца (людныя), прыходзяць паспяваць «Пагоню» і «Магутны Божа». Паслухайце як беларусы ў метро спяваюць нацыянальны гімн Беларусі «Пагоня». Міліцыянераў там звычайна мала — не ведаюць, каго хапаць, каб усё гэта спыніць, толькі разгублена круцяць галовамі. Гэта яшчэ і метафара лета-восені 2020: колькі ні саджайце, усё не заціхае. Гімн «Пагоня» (караоке-версія): https://youtu.be/a6h9E6jvKvE Гімн «Пагоня» (Vilnia video): https://youtu.be/KovAyhJfeSo Гімн «Пагоня» (lyric video): https://youtu.be/gc6VYsjj4AI Гімн «Пагоня» (праект «Спяваем Годна»): https://youtu.be/nhaBzLqp3OU Тэкст: Максім Багдановіч Музыка: Мікола Шчаглоў-Куліковіч Толькi ў сэрцы трывожным пачую За краiну радзiмую жах, Успомню Вострую Браму святую I ваякаў на грозных канях. У белай пене праносяцца конi, Рвуцца, мкнуцца i цяжка хрыпяць, Старадаўняй Лiтоўскай Пагонi Не разбiць, не спынiць, не стрымаць! Старадаўняй Лiтоўскай Пагонi Не разбiць, не спынiць, не стрымаць! У бязмерную даль вы ляцiце, А за вамi, прад вамi — гады. Вы за кiм у пагоню спяшыце? Дзе шляхi вашы йдуць i куды? Мо яны, Беларусь, паняслiся За тваiмi дзяцьмi наўздагон, Што забылi цябе, адраклiся, Прадалi i аддалi ў палон? Што забылi цябе, адраклiся, Прадалi i аддалi ў палон? Бiце ў сэрцы iх — бiце мячамi, Не давайце чужынцамi быць! Хай пачуюць, як сэрца начамi Аб радзiмай старонцы балiць. Мацi родная, Мацi-Краiна! Не ўсцiшыцца гэтакi боль. Ты прабач, ты прымi свайго сына, За Цябе яму ўмерцi дазволь! Ўсё лятуць і лятуць тыя коні, Срэбнай збруяй далёка грымяць... Старадаўняй Літоўскай Пагоні Не разьбіць, не спыніць, не стрымаць. Старадаўняй Літоўскай Пагоні Не разьбіць, не спыніць, не стрымаць.