Суд Мядзельскага раёну прызнаў экстрэмісцкай старонку ў сацыяльнай сетцы Х, якая належыць французскаму дэпутату Фрэдэрыку Пэці. Пэці ўзначальвае групу падтрымкі дэмакратычнай Беларусі ў французскім парламенце. У праграме «ПіК Свабоды» ён распавёў пра сваю зацікаўленасць беларускімі справамі, а таксама аб ролі Беларусі ў францускай палітыцы. Дэпутат падкрэсліў, што вяртанне еўрапейскіх амбасадараў у Менск магчыма толькі пры выкананні пэўных умоў. Пэці акцэнтуе ўвагу на важнасці падтрымкі дэмакратычных працэсаў у Беларусі з боку Еўропы.