Урывак пачынаецца з моманту, калі хрысціянскі манах упершыню прыходзіць у джунглі да індзейцаў. Але высвятляецца, што не толькі ён адзін прыйшоў у гэтае месца… Само кіно ўдумлівае, сузіральнае, вельмі прыгожае і месцамі надта жорсткае. Яно прымусіць задумацца аб рэчах, пра якія цяжка разважаць. Выбітная гульня Робэрта дэ Ніра і Джэрэмі Айранса ідзе пад няспешную музыку геніяльнага Эніа Марыконэ на фоне найпрыгажэйшых лясоў Паўднёвай Амерыкі.