Мы агучылі класічную стужку Сідні Люмета «12 раз'юшаных мужчын» на родную мову. А Павал Харланчук распавёў, чаму мы выбралі менавіта гэты фільм і чаму «12 раз'юшаных мужчын» настолькі актуальны ў сёняшней Беларусі. Kinakong.by Кінаконг запрашае на прагляд залатой класікі сусветнага кіно: фільма «12 раз'юшаных мужчын». Уваход вольны! Мы вельмі даўно хацелі прэзэнтаваць гэтую мацнейшую стужку і нарэшце робім гэта. У агучцы удзельнічалі лепшыя акцёры вядучых беларускіх тэатраў. «12 раз'юшаных мужчын» — класіка сусветнага кінематографа. Гэты рэжысёрскі дэбют Сідні Люмэта па праву лічыцца адной з лепшых карцін стагоддзя, мае найвышэйшыя рэйтынгі і абавязковы для вывучэння ў кінаакадэміях усяго свету. Займае 2-е месца ў спісе лепшых судовых драм па версіі AFI (Амерыканскі Інстытут Кінамастацтва) 12 прысяжных павінны вырашыць, ці забіваў падсудны — падлетак з трушчобаў — свайго бацьку. Калі яго вінаватасць прызнаюць, хлопца чакае электрычнае крэсла, калі не — вызваленне. Згодна закону рашэнне мусіць быць прынята адзінагалосна. Справа здаецца відавочнай, 11 чалавек галасуюць "за" вінаватасць і толькі адзін выказвае сумнеў і прапануе абмеркаваць усё яшчэ раз... Рэжысёр: Сідні Люмэт У ролях: Генры Фонда, Лі Джэй Коб, Марцін Болсам, Джэк Уордэн і інш. На беларускую мову агучвалі: Павал Харланчук, Алесь Малчанаў, Уладзімер Глотаў, Сяргей Жбанкоў, Зміцер Рачкоўскі.