Падтрымаць беларускіх дзеячаў культуры ў цяжкім становішчы: https://byculture.org/donate Беларуская Рада культуры запрашае ў суботу, 11 верасня, у 19.00 на онлайн-канцэрт лідара культавага беларускага рэгі-гурта “Адыс Абеба” Дзмітрыя Іванова. Музыка некалькі год жыве ў В’етнаме, выкладае музыку для дзяцей, але спачатку ліпеня ён застаўся без працы, і сродкаў на далейшае існаванне ў яго папросту няма. Яго горад Вунгтаў знаходзіцца непадалёк ад Сайгону, дзе найбольш складаная сітуацыя з захворваннем на каронавірус (5 000 выпадкаў на суткі). Паўсюль абвешчаны жорсткі лакдаўн, зачыненыя крамы і ўсе грамадскія месцы. У такіх умовах лідар “Адыс Абебы” дасць акустычны канцэрт, які хоча прысвяціць усім сваім беларускім калегам, якія зазналі рэпрэсіі. “У кожнага могуць быць свае праблемы. Але мы мусім думаць пра салідарнасць”, - кажа Дзіма. Частку з сабраных сродкаў з трансляцыі свайго канцэрту лідар “Адыс Абебы” пералічыць у Беларускую Раду культуры, частка пойдзе на падтрымку музыкі і яго сям’і. - Фэст #АртыстыПерамогі ладзіцца ў гонар мужных музыкаў, якія нягледзячы на ўсю небяспеку ідуць да людзей, граюць, натхняюць сваёй творчасцю ўсіх нас! - Мы ў сацсетках: 👉 Telegram - https://t.me/by_culture 👉 Facebook - http://bit.ly/by-culture-fb 👉 Instagram - http://bit.ly/by_culture_insta 👉 Youtube - http://bit.ly/youtube-byculture #BY_CULTURE