Падтрымаць беларускіх культурных дзеячаў ды іх новыя праекты - https://byculture.org/donate Трэба развітацца са старым, каб быць адкрытым для новага! Фундацыя "Тутака" пры партнёрстве Беларускай Рады Культуры запрашаюць апынуцца на музычным Фэсце Абуджаных "Тутака" у Польшчы. ✅ Вы былі на Басовішчы і плакалі, што ён сыходзіць у мінулае? Можа вы заўсёды хацелі прыехаць, але "не атрымалася"? Або вы не чулі пра Фестываль Музыкі Маладой Беларусі "Басовішча" (www.basowiszcza.org)? Незалежна ад вышэйпералічаных абставінаў, мы афіцыйна даем старт новаму Фестывалю - Фестывалю Абуджаных "Тутака". ✅ Фестываль Абуджаных "Тutaka" - гэта наўпроставы нашчадак "Басовішча". Мы хочам прыгадаць дух свабоды, які панаваў на паляне Барык побач з Гарадком. І зробім гэта там жа! ✅ 30 гадоў таму "Басы", сярод іншага, абудзілі беларусаў Падляшша, каб яны маглі з гонарам гаварыць пра сваю ідэнтычнасць і выказваць яе праз сучасную музыку і белы-чырвона-белыя колеры свабоднай Беларусі. У 2020 годзе беларусы Беларусі і дыяспары таксама масава абудзіліся, і бел-чырвона-белы сцяг стаў сімвалам абуджанай, непахіснай, творчай і проста сэксуальнай нацыі! ✅ Тое, што цяпер усе мы, беларусы, будуем вялікую нацыю, вартае святкавання - хаця абставіны, з аднаго боку, сумныя, а нават трагічныя. ✅ Фестываль стане нагодай адзначыць і ўшанаваць памяць гадавіны выбуху беларускай грамадскай рэвалюцыі, падчас якой рукі злачыннага рэжыму шмат разоў былі заплямленыя беларускай крывёй. Але з іншага боку, гэта будзе і гадавіна будавання вялікай нацыі. Тады, як многія з нас наогул сумняваліся, што гэта магчыма, 2020 год стаў нацыястваральным выбухам, які ўжо “не спыніць”. ✅ Фестываль “Tutaka” - гэта не толькі музыка. У дадатак да музыкаў беларускай рэвалюцыі мы хочам паказаць беларускую культуру і мастацтва ў поўнай разнароднасці. Таму чакайце не толькі канцэртаў. ✅ Па дамове з Беларускай Радай Культуры фестываль стане "grande finale/postscriptum" Тыдня беларускай культуры. Няхай гэты Фестываль усіх свабодных беларусаў стане выразам нашай салідарнасці з братамі і сёстрамі, якія, знаходзячыся ў Беларусі, усё яшчэ разлічваюць на нашу падтрымку і салідарнасць Будзьма разам! ⚪️🔴⚪️Жыве Беларусь! Жыве вечна! І жыве вольна! - Мы ў сацсетках: 👉 Telegram - https://t.me/by_culture 👉 Facebook - http://bit.ly/by-culture-fb 👉 Instagram - http://bit.ly/by_culture_insta 👉 Youtube - http://bit.ly/youtube-byculture #BY_CULTURE