Мы разам здолелі стварыць напраўду маштабнае свята: міжнародная акцыя "Дні беларускай культуры — 2022" доўжылася два месяцы і аб’яднала 125 асобных імпрэзаў, што прайшлі ў 38 гарадах 16 краін свету. Мы разам святкавалі Купалле і глядзелі беларускае кіно, наведвалі выстаўкі сучасных мастакоў і хадзілі на канцэрты актуальных выканаўцаў, падтрымлівалі палітзняволеных літаратараў і нават зладзілі адкрыццё новага музея. Мы ўспомнілі, як гэта — бавіць час на сапраўдным оўпэн-эйр фэсце і чарговы раз пераканаліся, што беларускі тэатр жыве. Цягам гэтых двух месяцаў мы зноў і зноў сцвярджалі: Belarus Must Go on. І гэтыя словы, што сталіся дэвізам агульнага свята, застаюцца ў нашых сэрцах, думках і памкненнях. Бо мы не спыняемся і працягваем працу дзеля будучыні беларускай культуры. --- Падтрымаць беларускіх культурных дзеячаў ды іх новыя праекты - https://byculture.org/donate Мы ў сацсетках: 👉 Telegram - https://t.me/by_culture 👉 Facebook - http://bit.ly/by-culture-fb 👉 Instagram - http://bit.ly/by_culture_insta 👉 Youtube - http://bit.ly/youtube-byculture #BY_CULTURE #bycultureglobal #беларусь