Падтрымаць нескароных беларускіх культурных дзеячаў ды іх новыя праекты - https://byculture.org/donate - У межах Міжнароднага Тыдня Беларускай Культуры Філарманічны аркестр Гуаякіля выканаў музыку славутага беларускага кампазітара Сяргея Картэса - "Ранак" і "Тарантэла". Сяргей Альбертавіч Картэс (1935 - 2016) - беларускі кампазітар і выбітны культурны дзеяч, які нарадзіўся ў далёкім Чылі. Ягоны сын, Сяргей Картэс, так распавядае пра свайго бацьку: "Ён быў чалавекам свету - сапраўды свабодным, менавіта такім, за што мы змагаемся цяпер. Ён лічыў сабе шчаслівым, таму што яму пашанцавала ўвабраць дзве розныя культуры - лацінаамерыканскую і беларускую. Ён любіў беларускую мову, а яго любімыя вершы - санэты Гарсія Лоркі ў перакладзе Рыгора Барадуліна". #BY_culture