Падтрымаць нескароных культурных дзеячаў ды іх новыя праекты: https://byculture.org/donate Беларуская Рада культуры запрашае на музычны мост Нью-Ёрк - Мінск, а дакладней на незвычайную канцэртную імпрэзу выбітнага музыкі сучаснасці Зісла Сляповіча (D. Zisl Slepovitch) наўпрост з яго студыі ў ЗША. Зісл Сляповіч – ураджэнец Мінска, музыказнаўца, піяніст, выканаўца на драўляных духавых інструментах (кларнет, саксафон, флейта, старажытныя і традыцыйныя духавыя), кампазітар, дырыжор, спявак, выкладчык у галіне музыкі і мовы і культуры ідыш, клезмерскі, імправізуючы і класічны музыкант. Сляповіч з’яўляецца заснавальнікам гуртоў “Літвакус”, “Зісл Сляповіч Трыо”, “Мінскер Капэлье”, праекта “Гойфрэнд” сумесна з Сашай Лур’е і іншых. Ён з’яўляецца музыкантам у рэзідэнцыі Відэаархіва сведчанняў Халакоста “Форчунофф” пры Ельскім універсітэце. Ягоная праца ў тэатры і кіно ўключае шматлікія пастаноўкі Нацыянальнага ідышскага тэатра “Фолксбінэ” (Нью-Ёрк), “Скрыпач на даху на ідыш” (офф-Бродвэй, 2018-20), Дзяржаўнага габрэйскага тэатру (Бухарэст), “Тэатру для новай публікі” (Theatre for a New Audience, Нью-Ёрк), фільм Defiance (“Выклік”), і шмат іншых праектаў. Сляповіч на працягу некалькіх год чытаў курс па мове і культуры ідыш ва ўніверсітэце The New School (Нью-Ёрк), выступаў як запрошаны лектар у шматлікіх універсітэтах і акадэмічных установах ЗША, Канады, Ізраіля, Аўстрыі, Польшчы. Да пераезду ў ЗША ў 2008 годзе Сляповіч працаваў старэйшым выкладчыкам на кафедры беларускай музыкі Беларускай дзяржаўнай акадэміі музыкі. Вэб-сайт: zislepovitch.com Фэйсбук / Інстаграм / Твітэр / ЮЦьюб: @zislepovitch Сабраныя сродкі з трансляцыі канцэрту будуць пералічаны на падтрымку рэпрэсаваных дзеячаў культуры Беларусі. - Фэст #АртыстыПерамогі ладзіцца ў гонар мужных музыкаў, якія нягледзячы на ўсю небяспеку ідуць да людзей, граюць, натхняюць сваёй творчасцю ўсіх нас! - Мы ў сацсетках: 👉 Telegram - https://t.me/by_culture 👉 Facebook - http://bit.ly/by-culture-fb #BY_CULTURE