Павел Аракелян & The Outsiders Джаз Свабоды ў гонар Артыстаў Перамогі! У суботу ў 20.00 (па беларускім часе) Беларускі фонд культурнай салідарнасці ладзіць он-лайн трансляцыю відэаверсіі канцэрта Паўла Аракеляна і яго гурта The Outsiders, якая прысвячаецца ўсім нязломным Артыстам Перамогі: музыкам, пісьменнікам, акторам, якіх звальняюць, арыштоўваюць, збіваюць, але якія ўсё адно выходзяць на Маршы і працягваюць ствараць, граць, выступаць.   Прагучаць выключна аўтарская музыка, якая была створаная ў розны час і пад уплывам ад розных падзеяў і эмоцыяў. На кожным выступе гэтыя творы гучаць па-рознаму, бо кожны з удзельнікаў гурта мае максімальную свабоду, каб прынесці як мага больш асабістага ў музыку.   The Outsiders складаецца з вядомых джазавых музыкаў краіны. У гэтым канцэрце на клавішах грае Максім Лоскутаў, за кантрабасам - Аляксей Крышталь, за бубнамі - Назар Рэджэпаў. Лідар гурта - выбітны беларускі саксафаніст Павел Аракелян. У час пратэстаў Павел актыўна дае канцэрты ў розных раёнах гораду. Пасля аднаго з іх ён быў затрыманы і асуджаны на 15 сутак.  Падчас трансляцыі вы можаце ахвяраваць любую суму ў Беларускі Фонд культурнай салідарнасці, гэтыя сродкі пойдуць на падтрымку рэпрэсаваных дзеячаў культуры.  Ахвяраваць тут: https://www.paypal.com/donate/?hosted_button_id=7V9UZ4PSAPAF2 - Мы ў соцсетках: 👉 Youtube - http://bit.ly/youtube-byculture 👉 Facebook - http://bit.ly/by-culture-fb 👉 Telegram - https://t.me/by_culture 👉 Instagram - http://bit.ly/by_culture_insta 👉 Cтаць валанцёрам - http://bit.ly/by-culture-volonter 👉 Падтрымаць нас: http://bit.ly/by-culture-fund