Знешняя пагроза з боку Залатой Арды, Галіцка-Валынскага Княства і Лівонскага Ордэну вымусіла Княствы Панямоння кансалідвацца супраць агульных ворагаў, дзякуючы чаму ў 1240х гадах князь Міндоўг быў запрошаны баярамі ў Наваградак на княжанне. А ці ведалі Вы, што па адным з паданняўі князь Міндоўг быў нашчадкам вялікага князя Палямона, заснавальніка Жмуці. Палямон быў ваеначальнікам пры рымскім імператары Нероне, злачынствы якога вымусілі будучага кунігаса сабраць войска і перабрацца ў Панямонне. Каб супрацьстаяць навале крыжаносцаў, князь Міндоўг прыняў хрысціянства па каталіцкім абрадзе ў 1251, а ў 1253 быў каранаваны ў Наваградку каронай дасланай Папам Рымскім Інакенціем IV. Праз 9 год княжання, Міндоўг разам з малодшымі сынамі быў забіты па змове Трыняты. Наступным важным для гісторыі Беларусі князем стаў Віцень,які змагаўся за ўнутранае адзінства Вялікага Княства. Пра яго палітыку ў летапісах гаворыцца: «Зямлі прыбавіў да княства многа, аж да Буга». Пры ім у 1307 г. да ВКЛ было далучана Полацкае княства. Ён вёў актыўную знешнюю палітыку: выступаў супраць палякаў, змагаўся з крыжакамі. Лічыцца, што менавіта з Віценя бярэ пачатак герб Вялікага Княства Літоўскага — Пагоня.